Dæmdur fyrir að stela kvíðastillandi lyfi

Rúmlega þrítugur karlmaður var í dag dæmdur í fjögurra mánaða fangelsi í Héraðsdómi Reykjavíkur. fyrir þjófnað og akstur undir áhrifum fíkniefna. Hann var sömuleiðis sviptur ökuréttindum í 2 ár.

Maðurinn braust annars vegar inn í lyfjaverslunina Apótekarann og hafði þaðan þrjá pakka af lyfinu Tafil retard, sem hefur kvíðastillandi áhrif. Hins vegar reyndi gerði hann tilraun til að brjótast inn í íbúðarhúsnæði. Í því skyni spennti hann upp glugga á bílskúr og reyndi næst að spenna upp millihurð frá bílskúr inn í húsnæðið. Tilraunin misheppnaðist þegar húsráðandi varð hans var.

Þá var hann einnig tekinn undir áhrifum fíkniefna við akstur.

Maðurinn á að baki langan sakaferil og var m.a. á reynslulausn þegar ofangreind brot voru framin.