Óvæntur sigur Snæfells á toppliði Keflavíkur

Snæfell gerði sér lítið fyrir og skellti toppliði Keflavíkur í Iceland Express-deild kvenna í Stykkishólmi í kvöld. Alls fóru þrír leikir fram í deildinn í kvöld.

Keflavík heldur þó toppsæti deildarinnar um sinn en Njarðvík minnkaði forystu granna sína á toppnum í tvö stig með því að vinna öruggan sigur á Fjölni á heimavelli, 95-62.

Snæfell vann sjö stiga sigur á Keflavík, 91-83. Mestu munaði um frábæran fyrsta leikhluta þar sem að heimamenn skoruðu 29 stig gegn átján hjá Keflavík. Snæfell lét forystuna aldrei af hendi eftir þetta.

Jordan Lee Murphree, sem spilaði sinn fyrsta leik hér á landi gegn Njarðvík um síðustu helgi, fór á kostum í kvöld og skoraði 31 stig. Alda Leif Jónsdóttir átti einnig stórleik en hún skoraði sautján stig og tók níu fráköst.

Hjá Keflavík var Pálína Gunnlaugsdóttir mjög öflug og skoraði 33 stig. Jaleesa Butler kom næst með átján stig og fjórtán fráksöt.

Hamar vann nauman sigur á Val, 86-83. Staðan var jöfn þegar fjórar mínútur voru eftir en Hvergerðingar reyndust sterkari á lokasprettinum.

Snæfell er í fimmta sæti með átján stig, Valur í því sjötta með fjórtán en Fjölnir og Hamar eru í tveimur neðstu sætunum með tíu stig hvort.

Njarðvík-Fjölnir 95-62 (30-10, 19-19, 25-16, 21-17)

Njarðvík: Lele Hardy 24/17 fráköst/5 stoðsendingar, Shanae Baker-Brice 20/5 stoðsendingar, Petrúnella Skúladóttir 14/5 fráköst, Ólöf Helga Pálsdóttir 11, Salbjörg Sævarsdóttir 9/9 fráköst, Erna Hákonardóttir 8, Andrea Björt Ólafsdóttir 4, Sara Dögg Margeirsdóttir 3, Harpa Hallgrímsdóttir 2.

Fjölnir: Brittney Jones 33/6 fráköst/7 stoðsendingar, Bergdís Ragnarsdóttir 12/7 fráköst/5 stolnir/3 varin skot, Eva María Emilsdóttir 6/5 fráköst, Hugrún Eva Valdimarsdóttir 5/7 fráköst, Erla Sif Kristinsdóttir 4/4 fráköst, Birna Eiríksdóttir 2.

Hamar-Valur 86-83 (17-27, 24-17, 22-19, 23-20)

Hamar: Katherine Virginia Graham 26/6 fráköst, Samantha Murphy 24/5 fráköst/7 stoðsendingar, Fanney Lind Guðmundsdóttir 14, Íris Ásgeirsdóttir 11, Álfhildur Þorsteinsdóttir 5, Marín Laufey Davíðsdóttir 4, Jenný Harðardóttir 2.

Valur: Kristrún Sigurjónsdóttir 21/4 fráköst, María Ben Erlingsdóttir 16/5 fráköst, María Björnsdóttir 16, Margrét Ósk Einarsdóttir  14/8 fráköst/6 stoðsendingar/3 varin skot, Guðbjörg Sverrisdóttir 13, Signý Hermannsdóttir 3/4 fráköst.

Snæfell-Keflavík 91-83 (29-18, 16-20, 18-21, 28-24)

Snæfell: Jordan Lee Murphree 31/6 fráköst/10 stolnir, Alda Leif Jónsdóttir 17/9 fráköst, Kieraah Marlow 16/10 fráköst/7 stoðsendingar, Helga Hjördís Björgvinsdóttir 10/6 fráköst, Hildur  Sigurdardottir 9/9 fráköst/7 stoðsendingar, Hildur Björg Kjartansdóttir 8/4 fráköst.

Keflavík: Pálína Gunnlaugsdóttir 33/4 fráköst, Jaleesa Butler 18/14 fráköst, Shanika Chantel Butler 13/6 stoðsendingar, Birna Ingibjörg Valgarðsdóttir 11/5 fráköst, Hrund Jóhannsdóttir 3, Helga Hallgrímsdóttir 3/9 fráköst, Sara Rún  Hinriksdóttir 2.