Norðurljósaferðir trekkja að - vetrargestir á Akureyrir margfaldast

Vetrargestir á Akureyrir verða að öllum líkindum ríflega fimmfalt fleiri í vetur en þeir voru á síðasta ári. „Í dag er staðan sú að liðlega fjögurþúsund útlendingar hafa ákveðið að heimsækja Norðurland í vetur, meirihlutinn til að skoða norðurljósin," segir Ásbjörn Björgvinsson, framkvæmdastjóri Markaðsstofu Norðurlands, og talar um byltingu því í fyrra voru ferðamennirnir samtals um sjö hundruð.



Samtök ferðaþjónustunnar greina frá þessu á vefsvæði sínu. Ásbjörn skýrir þessar skyndilegu vinsældir með því að Icelandair opnaði hótel á Akureyri. „Og þar á bæ er ekki setið og beðið eftir viðskiptavinum. Þeir eru einfaldlega sóttir," segir hann.

Icelandair hótelið á Akureyri er fullbókað í nóvember og önnur hótel á svæðinu njóta líka góðs af markaðssetningunni.

„Við erum að sjá fram á góðan vetur í þessari grein ferðaþjónustunnar," segir hann og bætir við „Þetta er eitt það ánægjulegasta sem gerst hefur í norðlenskri ferðaþjónustu í mörg ár."