Bjarni Benediktsson fékk rétt rúmlega helming atkvæða í 1. sætið

Lokatölur úr prófkjöri Sjálfstæðisflokksins eru ljósar. Bjarni Benediktsson hlaut 2728 atkvæði í fyrsta sætið eða með rétt tæplega 54 prósent greiddra atkvæða.

Í öðru sæti var Ragnheiður Ríkharðsdóttir með 2153 atkvæði í 1. – 2. sæti. Í þriðja sæti hafnaði Jón Gunnarsson með 2267 atkvæði.

Vilhjálmur Bjarnason fékk 2378 atkvæði í þriðja sætið en hann sóttist eftir 1. – 4. sæti.

Næstu þrír á eftir voru: Elín Hirst - 2547 atkvæði í 1. – 5. sæti. Óli Björn Kárason - 2642 atkvæði í 1. – 6. sæti. Karen Elísabet Halldórsdóttir - 2039 atkvæði í 1. – 7. sæti.

Ragnar Önundarson bauð fram á móti Bjarna en hann er ekki meðal sjö efstu.

„Hvað varðar kjör mitt, þá má segja að það séu óvanalegir timar uppi. Það er óhefðbundið að það sé boðið gegn sitjandi þingmanni," sagði Bjarni Benediktsson í viðtali við RÚV þegar fyrstu tölur úr prófkjöri Sjálfstæðisflokksins í Suðvesturkjördæmi voru lesnar upp fyrr í kvöld.

Alls voru greidd 5070 atkvæði í prófkjörinu. Auðir og ógildir seðlar voru 159 talsins.