Fjölskylduhjálp með jólamarkað

Fjölskylduhjálp Íslands hefur opnað jólamarkað í Reykjanesbæ.

Jólamarkaðurinn er hluti af fjáröflunarleiðum Fjölskylduhjálparinnar, en reynt er að afla fé í matarsjóð hennar með ýmsum hætti. Jólamarkaðurinn verður opinn alla daga vikunnar fram til fimmtánda desember. Þar er fatnaður, gjafir og jólavörur.

Þá er Fjölskylduhjálp með nytjamarkað í húsnæði sínu í Eskihlíð, en hún hvetur fólk til að koma notuðum varningi á báða staði ef það vill styrkja starfsemina. Fjölskylduhjálpin veitti rúmlega 25 þúsund matargjafir í fyrra.