White ekki til Íslands

Bandaríski tónlistarmaðurinn Jack White er ekki á leiðinni til Íslands í nóvember eins og vangaveltur höfðu verið uppi um. Tveir tónleikahaldarar höfðu reynt að lokka White til landsins í nokkurn tíma en hvorugum varð ágengt.

White hafði áhuga á að heimsækja Ísland í annað sinn en hann spilaði með The White Stripes í Laugardalshöll árið 2006 við góðar undirtektir. Ein af ástæðunum fyrir því að rokkarinn kemur ekki til landsins er að hann er vanur að ferðast með græjurnar sínar þangað sem hann spilar en of dýrt þótti að fljúga með þær allar til Íslands.

- fb