Á fleygiferð niður fjallshlíð

Íslandsmeistaramótið í fjallabruni fór fram laugardaginn 25. ágúst.

Brunað var niður hlíðar skíðasvæðisins í Skálafelli. Þar er búið að útbúa sérstaka braut sem hentar vel í keppni sem þessa á sumrin þegar skíðin ráða ekki ríkjum í brekkunni.

Fjallabrun snýst um að komast eins hratt niður fjallshlíðina eftir fyrirfram ákveðinni braut og mögulegt er.

Margir af bestu hjólreiðamönnum Íslands tóku þátt í mótinu. Keppnin er gríðarlega erfið og reynir bæði á snerpu og úthald keppenda.

Keppt var bæði í kvenna- og karlaflokki í fjallabruni. Brautin er erfið og verða þeir sem niður hlíðina fara að taka stökkið af stökkpallinum, berjast við erfiða drulluna en umfram allt höndla þann gríðarlega hraða sem hægt er að ná. Ræst er við topp fjallsins en endamarkið er við rætur þess.

Vilhelm Gunnarsson ljósmyndari fylgdist með mótinu og tók þessar glæsilegu myndir.