Út um þúfur Haukur Viðar Alfreðsson skrifar 11. maí 2012 15:00 Bíó. How I Spent My Summer Vacation. Leikstjórn: Adrian Grunberg Leikarar: Mel Gibson, Kevin Hernandez, Daniel Gimenez Cacho, Dolores Heredia, Peter Gerety, Peter Stormare. Það hefur verið átakanlegt að fylgjast með fréttum af stórstjörnunni fyrrverandi, Mel Gibson, undanfarin ár, en þessi margverðlaunaði leikari og leikstjóri hefur ítrekað afhjúpað sinn innri mann, og það virðist ekki vera neitt sérlega vandaður maður. Í kjölfarið er kvikmyndaferill hans nokkuð laskaður og nýjasta mynd leikarans, How I Spent My Summer Vacation, fór beint á VOD-ið í Bandaríkjunum (undir nafninu Get the Gringo) án viðkomu í kvikmyndahúsum. Hvort það var gert af framsækni eða illri nauðsyn þori ég ekki að fullyrða, en þegar Gibson á í hlut er allt mögulegt. Söguþráðurinn er kunnuglegur og þarna höfum við viðkunnanlegan og slyngan ræningja í mexíkósku fangelsi, fégráðugar löggur, miskunnarlausan glæpaforingja og milljónir í íþróttatösku einhvers staðar. Inn í atburðarásina blandast svo tíu ára gamall piltur og einstæð móðir hans, en hvorki þarf kjarneðlisfræðing né stjarneðlisfræðing til að giska á sögulokin. Fyrri hluti myndarinnar er áhugaverður og margoft glittir í gamla Gibson, þann sem heillaði okkur í Lethal Weapon og Mad Max, og verður það ekki tekið af leikaranum að hann býr yfir heilmiklum sjarma og þægilegri nærveru. En um miðbik myndar fer sögumennskan út um þúfur og úr verður stefnulaust sull sem vill bæði vera hörkuspennandi og þrælfyndið, en er hvorugt. Þá er stafræn áferð myndarinnar virkilega ljót og fráhrindandi. Ég skil ómögulega hvers vegna stafræn kvikmyndataka virkar fullkomlega í sumum myndum og svo stundum alls ekki. Hér minnir útkoman á fjölskyldumyndband frá Kanarí. Niðurstaða: Aðdáendur leikarans eiga betra skilið. Það er orðið svo skrambi erfitt að halda upp á hann. Mest lesið Dúbaí-súkkulaðið umtalaða: „Þetta er galin sala“ Lífið Barnaníðsmáli Jay-Z vísað frá Lífið Fréttatía vikunnar: Mismæli, sakborningar og Elon Musk Lífið Þórdís Björk selur höllina á Arnarnesi Lífið Brynhildur hættir í Borgarleikhúsinu Menning „Sorgleg þróun“ Lífið Bitist um miða á ball vinstri sinnaðs ábreiðubands Lífið „Fann það á mér að það væri of mikil fórn“ Lífið Líf og fjör í teiti 66°Norður í Kaupmannahöfn Lífið Eldri borgarar á hraðstefnumóti í Bíó paradís Lífið Fleiri fréttir Fyrirsjáanlegt fjölskyldudrama Bob og Robbie í bobba Fleetwood Mac: Þegar eftirlíkingin verður betri en raunveruleikinn Ómerkilegir þættir um merkilega konu Litríkar umbúðir en lítið innihald Illa bruggaðar Guðaveigar Vínartónleika skorti léttleika: Dansararnir stálu senunni Kynferðislega ófullnægður forstjóri finnur sér ungan graðfola Nýársswing með handbremsu Getuleysi á stóra sviðinu Barist um arfinn í Borgó Sjá meira
Bíó. How I Spent My Summer Vacation. Leikstjórn: Adrian Grunberg Leikarar: Mel Gibson, Kevin Hernandez, Daniel Gimenez Cacho, Dolores Heredia, Peter Gerety, Peter Stormare. Það hefur verið átakanlegt að fylgjast með fréttum af stórstjörnunni fyrrverandi, Mel Gibson, undanfarin ár, en þessi margverðlaunaði leikari og leikstjóri hefur ítrekað afhjúpað sinn innri mann, og það virðist ekki vera neitt sérlega vandaður maður. Í kjölfarið er kvikmyndaferill hans nokkuð laskaður og nýjasta mynd leikarans, How I Spent My Summer Vacation, fór beint á VOD-ið í Bandaríkjunum (undir nafninu Get the Gringo) án viðkomu í kvikmyndahúsum. Hvort það var gert af framsækni eða illri nauðsyn þori ég ekki að fullyrða, en þegar Gibson á í hlut er allt mögulegt. Söguþráðurinn er kunnuglegur og þarna höfum við viðkunnanlegan og slyngan ræningja í mexíkósku fangelsi, fégráðugar löggur, miskunnarlausan glæpaforingja og milljónir í íþróttatösku einhvers staðar. Inn í atburðarásina blandast svo tíu ára gamall piltur og einstæð móðir hans, en hvorki þarf kjarneðlisfræðing né stjarneðlisfræðing til að giska á sögulokin. Fyrri hluti myndarinnar er áhugaverður og margoft glittir í gamla Gibson, þann sem heillaði okkur í Lethal Weapon og Mad Max, og verður það ekki tekið af leikaranum að hann býr yfir heilmiklum sjarma og þægilegri nærveru. En um miðbik myndar fer sögumennskan út um þúfur og úr verður stefnulaust sull sem vill bæði vera hörkuspennandi og þrælfyndið, en er hvorugt. Þá er stafræn áferð myndarinnar virkilega ljót og fráhrindandi. Ég skil ómögulega hvers vegna stafræn kvikmyndataka virkar fullkomlega í sumum myndum og svo stundum alls ekki. Hér minnir útkoman á fjölskyldumyndband frá Kanarí. Niðurstaða: Aðdáendur leikarans eiga betra skilið. Það er orðið svo skrambi erfitt að halda upp á hann.
Mest lesið Dúbaí-súkkulaðið umtalaða: „Þetta er galin sala“ Lífið Barnaníðsmáli Jay-Z vísað frá Lífið Fréttatía vikunnar: Mismæli, sakborningar og Elon Musk Lífið Þórdís Björk selur höllina á Arnarnesi Lífið Brynhildur hættir í Borgarleikhúsinu Menning „Sorgleg þróun“ Lífið Bitist um miða á ball vinstri sinnaðs ábreiðubands Lífið „Fann það á mér að það væri of mikil fórn“ Lífið Líf og fjör í teiti 66°Norður í Kaupmannahöfn Lífið Eldri borgarar á hraðstefnumóti í Bíó paradís Lífið Fleiri fréttir Fyrirsjáanlegt fjölskyldudrama Bob og Robbie í bobba Fleetwood Mac: Þegar eftirlíkingin verður betri en raunveruleikinn Ómerkilegir þættir um merkilega konu Litríkar umbúðir en lítið innihald Illa bruggaðar Guðaveigar Vínartónleika skorti léttleika: Dansararnir stálu senunni Kynferðislega ófullnægður forstjóri finnur sér ungan graðfola Nýársswing með handbremsu Getuleysi á stóra sviðinu Barist um arfinn í Borgó Sjá meira