Tólf íslenskum glæpamönnum vísað frá Noregi

Íslendingar eru sú þjóð sem er helst rekin frá Noregi sé miðað við höfðatölu. Þetta kom fram í spjalli félaganna í Reykjavík síðdegis við kennarann Guðna Ölversson sem er búsettur í Noregi.

„Við erum fjölmennasti þegar þar kemur að því vera reknir úr landi með valdi," sagði Guðni sem sá í skýrslu útlendingastofnunar þar í landi að tólf Íslendingum hefði verið vísað úr landi vegna glæpa.

Hann bendir á að sú tala er töluvert hærri en þegar kemur að öðrum sambærilegum þjóðum, en meðal annars eru á milli 30 til 40 þúsund Spánverjar í Noregi, um 50 þúsund Svíar og tugir þúsundi Dana. Aftur á móti séu aðeins 13 þúsund Íslendingar búsettir í Noregi.

Guðni tekur hinsvegar fram að meirihluti þeirra sem eru brottreknir frá Noregi á ári hverju séu flóttamenn frá stríðshrjáðum- eða vanþróuðum löndum. „En alls var 4700 manns vísað frá landinu á síðasta ári," sagði Guðni. Hægt er að hlusta á viðtalið við Guðna hér fyrir ofan.