Sigmundur, Kristján og Örlygur gefa kost á sér í 1. sætið

Átta einstaklingar hafa boðið sig fram í flokksvali Samfylkingarinnar í Norðausturkjördæmi um 6 efstu sæti á framboðslista flokksins við næstu Alþingiskosningar.

Flokksval með stuðningsmönnum fer fram rafrænt dagana 9. og 10. nóvember næstkomandi.

Kristján L. Möller þingmaður kjördæmisins, sækist eftir fyrsta sætinu. Sigmundur Ernir Rúnarsson, einnig þingmaður, sækist eftir 1. - 3. sæti. Þá sækist Jónína Rós Guðmundsdóttir, alþingsmaður, eftir 2. sætinu. Örlygur Hnefill Jónsson, héraðsdómslögmaður í Þingeyjarsveit, sækist svo eftir 1. til 6. sæti í flokksvalinu.

Aðrir eru Erna Indriðadóttir, upplýsingafulltrúi Fjarðabyggðar sem býður sig fram í 2. sæti, Friðbjörg Jóhanna Sigurjónsdóttir sjúkraliði á Akureyri sem sækist eftir 4. – 6. sæti. Helena Þuríður Karlsdóttir, lögfræðingur á Akureyri í 3. - 4. sæti, Ingólfur Freysson, framhaldsskólakennari á Húsavík í 3. - 6. sæti.