Ruglaðist á húsum

Karlmaður fékk að gista í fangageymslu lögreglunnar á Selfossi í nótt eftir að hann hafði farið húsavillt. Maðurinn hafði farið að húsi þar sem hann lamdi á það utan frá og vildi komast inn til sín, í hlýtt rúmið. Húsráðendur urðu eðlilega heldur pirraðir yfir tilætlunarsemi þessa drukkna manns og kölluðu því til lögregluna á Selfossi.

Þeir sóttu hann og buðust til þess að keyra manninn heim. Hann vildi þá, eða gat ekki, gefið upp rétt heimilisfang. Lögreglan bauð honum því næturgistingu.