Fjölgun á kjörskrá frá 2009

236.944 kjósendur eru á kjörskrá fyrir þjóðaratkvæðagreiðsluna vegna tillagna stjórnlagaráðs hinn 20. október. Þetta kemur fram á vef Þjóðskrár Íslands.

Við alþingiskosningarnar 25. apríl 2009 voru 227.843 kjósendur á kjörskrá og nemur fjölgunin 9.048, eða fjórum prósentum. 16.433 nýir kjósendur hafa náð kosningaaldri frá 2009 og eru það um sjö prósent af kjósendum.

Kjósendur með lögheimili erlendis eru 12.964 eða 5,5 prósent af kjósendum. Þeim hefur fjölgað rúm þrjú þúsund frá síðustu alþingiskosningum eða um rúm þrjátíu prósent.