Annie Mist komin í fyrsta sæti

Annie Mist Þórisdóttir er í fyrsta sæti í kvennaflokki á heimsmeistaramótinu Reebok CrossFit Games. Síðasti dagur mótsins fer fram í dag.

Síðan á miðvikudag hafa keppendur tekið þátt í ýmsum þrautum og framan af gekk Annie ekki sérlega vel. Á föstudaginn og í gær náði aftur á móti hún góðum sprettum, skaut sér upp stigatöfluna og upp í fyrsta sæti.

Staða Annie er því góð fyrir síðasta dag mótsins og spennandi að sjá hvernig leikar enda, en Annie vann mótið í fyrra.

Alls taka 17 Íslendingar þátt í mótinu, þeirra á meðal Hilmar Harðarson sem er í fjórða sæti í flokki karlmanna 55-59 ára að aldri.