Innlent

Rúta með tæplega 30 farþegum út af veginum á Mosfellsheiði

Mosfellsheiði. Myndin er úr safni.
Mosfellsheiði. Myndin er úr safni. Mynd / Pjetur Sigurðsson
Björgunarsveitir af Kjalarnesi og úr Mosfellsbæ eru nú á leið á Mosfellsheiði þar sem rúta fór útaf veginum þannig að lá við veltu samkvæmt upplýsingum frá Landsbjörg.

29 erlendir ferðamenn voru í langferðabílnum og sakaði þá ekki. Sem stendur tryggir dráttarvél rútuna en björgunarsveitir munu ferja farþegana til byggða.

Annar langferðabíll, sem kallaður var til þessa verks, komst ekki lengra en að Gljúfrasteini sökum fljúgandi hálku á veginum. Björgunarsveitirnar munu svo aðstoða við að ná rútunni upp á veg.



Mest lesið


Fleiri fréttir

Sjá meira


×

Mest lesið