Ferðamennirnir á Mosfellsheiði fengu sálrænan stuðning

Fimm sjálfboðaliðar Rauða krossins voru fengnir til að veita erlendum ferðamönnum sálrænan stuðning eftir að rúta fór út af veginum á Mosfellsheiði í kvöld rétt fyrir ofan Gljúfrastein. 29 manns var í rútunni, og urðu margir skelkaðir samkvæmt tilkynningu frá Rauða krossinum.

Ferðamennirnir voru frá ýmsum löndum og var áfallahjálp Rauða krossins veitt á ensku, dönsku, frönsku og þýsku. Sjálfboðaliðarnir eru úr viðbragðshópi Rauða krossins á höfuðborgarsvæðinu, en þeir eru sérþjálfaðir í að veita fjöldahjálp og sálrænan stuðning