Enn eykst vandi grásleppusjómanna

Grásleppustofninn við Noreg fer nú ört stækkandi og verða mun meiri veiðar heimilaðar á næstu vertíð en undanfarnar vertíðir.

Þessi tíðindi kunna að auka enn á vanda íslenskra grásleppusjómanna þar sem hátt í fjórðungur hrogna af síðustu vertíð er enn óseldur og talsvert af heilfrystri grásleppu.

Fulltrúar smábátasjómanna könnuðu nýverið viðhorf grænlenskra grásleppusjómanna til hugmynda um að helstu veiðiþjóðirnar tækju sig saman um að draga úr veiðum á meða offramboð væri á markaði, en óvíst er hvort norskir sjómenn sýni því áhuga.