Raufarhöfn sé sýndur sómi

Efnt hefur verið til átaks til að treysta byggð með atvinnuuppbyggingu á Raufarhöfn. Í því taka þátt íbúarnir, sveitarfélagið Norðurþing, Byggðastofnun, Háskólinn á Akureyri og Atvinnuþróunarfélag Þingeyinga.

„Með samstilltu átaki ríkis, sveitarfélagsins, íbúanna sjálfra og þeirra sem að málinu koma mun það markmið nást. Á síldarárunum urðu til gríðarlega miklar tekjur á Raufarhöfn sem runnu í sameiginlega sjóði Íslendinga. Sýnum Raufarhöfn þann sóma að efla atvinnu og treysta byggð,“ segir í bókun bæjarstjórnar Norðurþings.