Hóflegur hagvöxtur á næstunni

Hagstofa Íslands gerir ráð fyrir að landsframleiðsla aukist um 2,7% á þessu ári og 2,5% á næsta ári. Þetta kemur fram í nýrri Þjóðhagsspá sem kom út í morgun. Aukin einkaneysla og fjárfesting eru að baki hagvextinum. Samneysla stendur nær því í stað allt til ársins 2014.

Vöxtur einkaneyslu og bati á vinnumarkaði var góður á fyrri helmingi 2012, en hefur slaknað nokkuð á þriðja ársfjórðungi. Verðbólguhorfur eru stöðugar en viðskiptakjör hafa versnað lítillega. Fjárfesting eykst en er áfram lítil í sögulegu ljósi.

Hagstofan gaf síðast út þjóðhagsspá 5. júlí síðastliðinn og er ráðgert að gefa út næstu spá í lok mars 2013.