Vitlaust veður á Sauðárkróki

Það er vitlaust veður á öllu landinu eins og landsmenn hafa eflaust tekið eftir. Yfir þrjú hundruð aðstoðarbeiðnir hafa borist björgunarsveitum í dag, þar af eru langflestar á höfuðborgarsvæðinu.

En eins og sést á þessu myndbandi sem Stefán Arnar Ómarsson tók á Sauðárkróki í dag þá er veður snarvitlaust víðar, þó færri þurfi á aðstoð björgunarsveita í dag.

Í viðvörun Veðurstofu segir: Búist er við stormi (vindhraða meiri en 20 m/s) á landinu. Víða mjög snarpar vindhviður við fjöll, einkum á S-verðu landinu.