Eins og rússnesk rúlletta að fara um Kjalarnes

Mesti vindurinn á landinu þessa stundina er á Kjalarnesi. Þar hefur verið lokað fyrir alla umferð enda hreint ekki vænlegt ferðaveður.

Almennt er litið svo á að 30 m/s vindhraði marki ákveðin varúðarmörk. Meðalvindhraðinn á Kjalarnesi er 37 m/s eins og stendur. Þar fara hins vegar einstaka vindhviður upp í 64 m/s. Það er langt yfir öllum hættumörkum og því er engan veginn ferðafært á Kjalarnesi. „Það væri rússnesk rúlletta að fara út í þetta," samkvæmt upplýsingum frá Vegagerðinni.

Gert er ráð fyrir því að lokað verði á svæðinu í alla nótt vegna veðurs, en á svæðinu hefur verið lokað síðan um þrjú í dag.

Verstu aðstæður landsins hvað vindhraða varðar eru á Kjalarnesi. Hins vegar er stórhríð um landið allt og víði kyngir niður snjó.