Umfjöllun: Ísland - Argentína 31-25 | Fyrstu stigin í húsi Eiríkur Stefán Ásgeirsson í London skrifar 29. júlí 2012 08:00 Mynd/Valli Íslenska handboltalandsliðið fór yfir fyrstu hindrun sína í handboltakeppni Ólympíuleikanna eftir sex marka sigur á Argentínumönnum, 31-25, í Koparkassanum í London í morgun. Íslenska liðið var með frumkvæðið í leiknum fyrir utan fyrstu tíu mínútur leiksins og þrátt fyrir að sigurinn hafi aldrei verið í hættu þá var hann aldrei í höfn fyrr en í lokin. Hreiðar Levý Guðmundsson var maður leiksins þrátt fyrir að spila bara síðustu tuttugu mínúturnar. Hreiðar varði 12 af 19 skotum sem komu á hann (63 prósent) þar af voru þrjú vítaköst. Guðjón Valur Sigurðsson lék einnig mjög vel og var markahæstur með 9 mörk en Ingimundur Ingimundarson minnti líka á sig með því að skora þrjú mörk úr hraðaupphlaupum. Ísland komst í 15-11 rétt fyrir hálfleik en Argentínumenn skoruðu þrjú síðustu mörk hálfleiksins og minnkuðu muninn í eitt mark fyrir hálfleik. Argentínska liðið náði aftur að minnka muninn í eitt mark, 19-18, þegar tuttugu mínútur voru eftir en nær komust þeir ekki. Íslenska liðið skoraði síðan þrjú síðustu mörk leiksins og tryggði sér sex marka sigur. Næst mætir íslenska liðið Túnis á þriðjudagsmorgun. Byrjunin á leiknum var íslenska liðinu erfið, bæði í vörn og sókn. Argentína spilaði grimma 3-2-1 vörn sem strákarnir lentu í miklu basli með. Ekki hjálpaði til að Ólafur Stefánsson var ekki að finna sig. Eftir rúmlega tíu mínútna leik fékk Ólafur ósanngjarna brottvísun og eins og svo oft áður sýndu strákarnir mikinn karakter í undirtölunni. Þeir skoruðu tvö í röð og jöfnuðu metin, 4-4. Það sama gerðist stuttu síðar þegar Ásgeir Örn Hallgrímsson fékk reisupassann og strákarnir komust yfir í kjölfarið, 7-6. Þeir voru búnir að hrista af sér slenið og fóru að sigla fram úr, hægt og rólega. Staðan var 15-11 skömmu fyrir hálfleik en Argentínumennirnir svöruðu fyrir sig með þremur síðustu mörkum hálfleiksins, sem og því fyrsta í seinni hálfleik. Staðan því orðin jöfn. Strákarnir létu þó ekki segjast og náðu undirtökunum strax aftur. Þegar tíu mínútur voru liðnar af leiknum komu þeir Snorri Steinn Guðjónsson og Hreiðar Levý Guðmundsson, en sá síðarnefndi hafði áður komið inn á og varið eitt víti. Snorri Steinn, sem hefur verið að glíma við sinaskiðabólgu, hafði mikil og góð áhrif á liðið - eins og svo oft áður. Ísland breytti stöðunni úr 19-18 í 24-20 og litu ekki til baka eftir það. Björgvin Páll átti frábæran leik í markinu en innkoma Hreiðars var þó enn betri. Hann varði grimmt, þar af tvö vítaskot til viðbótar, og sá til þess að Argentínumenn ættu engan séns á að koma til baka. Strákarnir voru lengi í gang í dag, bæði í vörn og sókn. Sóknin varð betri eftir því sem leið á leikinn en þeir gleymdu sér oft í vörninni og leyfðu Argentínumönnum að teygja lopann þar til þeir fundu glufuna. Guðjón Valur nýtti færin sín frábærlega og var ásamt markvörðunum besti maður íslenska liðsins í dag. Hreiðar var sem fyrr segir frábær þegar hann kom inn og Róbert var oft drjúgur á línuni. Arnór skoraði nokkur góð mörk og Aron nýtti sér leikinn til að koma sér í gang eftir meiðsli. Ólafur var betri eftir því sem leið á leikinn en Alexander Petersson fann aldrei almennilega taktinn og á vonandi nóg inni fyrir næstu leiki. Ísland þarf þó að spila betur gegn Túnis enda sterkur andstæðingur. Vörnin leit vel út á köflum í dag en lenti svo í tómum vandræðum inn á milli. Strákarnir þurfa að sýna meiri stöðugleika í varnarleiknum og munu sjálfsagt vinna í því fram að næsta leik, sem verður á þriðjudagsmorgun. Mest lesið „Ég sakna hennar á hverjum degi“ Handbolti Bakgarðshlaupið í beinni útsendingu Sport „Hún er með hjartagalla en í góðum höndum núna og vonandi fer allt vel“ Íslenski boltinn Uppgjörið: FH - Vestri 3-2 | FH kom til baka og vann fjórða leikinn í röð Íslenski boltinn „Þetta er ekki boðlegt finnst mér“ Körfubolti DeAndre Kane sleppur við bann og spilar í kvöld Körfubolti Andrea á batavegi: „Gott fyrir alla að sjá hana brosandi“ Íslenski boltinn Arsenal menn kláruðu sitt og nú er pressan á Man. City Enski boltinn „Varhugavert er að ætla starfsmanni Stöðvar 2 að hafa brugðið talsvert“ Körfubolti Í beinni: Man. City - Wolves | Meistararnir á miklu skriði Enski boltinn Fleiri fréttir Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Sjá meira
Íslenska handboltalandsliðið fór yfir fyrstu hindrun sína í handboltakeppni Ólympíuleikanna eftir sex marka sigur á Argentínumönnum, 31-25, í Koparkassanum í London í morgun. Íslenska liðið var með frumkvæðið í leiknum fyrir utan fyrstu tíu mínútur leiksins og þrátt fyrir að sigurinn hafi aldrei verið í hættu þá var hann aldrei í höfn fyrr en í lokin. Hreiðar Levý Guðmundsson var maður leiksins þrátt fyrir að spila bara síðustu tuttugu mínúturnar. Hreiðar varði 12 af 19 skotum sem komu á hann (63 prósent) þar af voru þrjú vítaköst. Guðjón Valur Sigurðsson lék einnig mjög vel og var markahæstur með 9 mörk en Ingimundur Ingimundarson minnti líka á sig með því að skora þrjú mörk úr hraðaupphlaupum. Ísland komst í 15-11 rétt fyrir hálfleik en Argentínumenn skoruðu þrjú síðustu mörk hálfleiksins og minnkuðu muninn í eitt mark fyrir hálfleik. Argentínska liðið náði aftur að minnka muninn í eitt mark, 19-18, þegar tuttugu mínútur voru eftir en nær komust þeir ekki. Íslenska liðið skoraði síðan þrjú síðustu mörk leiksins og tryggði sér sex marka sigur. Næst mætir íslenska liðið Túnis á þriðjudagsmorgun. Byrjunin á leiknum var íslenska liðinu erfið, bæði í vörn og sókn. Argentína spilaði grimma 3-2-1 vörn sem strákarnir lentu í miklu basli með. Ekki hjálpaði til að Ólafur Stefánsson var ekki að finna sig. Eftir rúmlega tíu mínútna leik fékk Ólafur ósanngjarna brottvísun og eins og svo oft áður sýndu strákarnir mikinn karakter í undirtölunni. Þeir skoruðu tvö í röð og jöfnuðu metin, 4-4. Það sama gerðist stuttu síðar þegar Ásgeir Örn Hallgrímsson fékk reisupassann og strákarnir komust yfir í kjölfarið, 7-6. Þeir voru búnir að hrista af sér slenið og fóru að sigla fram úr, hægt og rólega. Staðan var 15-11 skömmu fyrir hálfleik en Argentínumennirnir svöruðu fyrir sig með þremur síðustu mörkum hálfleiksins, sem og því fyrsta í seinni hálfleik. Staðan því orðin jöfn. Strákarnir létu þó ekki segjast og náðu undirtökunum strax aftur. Þegar tíu mínútur voru liðnar af leiknum komu þeir Snorri Steinn Guðjónsson og Hreiðar Levý Guðmundsson, en sá síðarnefndi hafði áður komið inn á og varið eitt víti. Snorri Steinn, sem hefur verið að glíma við sinaskiðabólgu, hafði mikil og góð áhrif á liðið - eins og svo oft áður. Ísland breytti stöðunni úr 19-18 í 24-20 og litu ekki til baka eftir það. Björgvin Páll átti frábæran leik í markinu en innkoma Hreiðars var þó enn betri. Hann varði grimmt, þar af tvö vítaskot til viðbótar, og sá til þess að Argentínumenn ættu engan séns á að koma til baka. Strákarnir voru lengi í gang í dag, bæði í vörn og sókn. Sóknin varð betri eftir því sem leið á leikinn en þeir gleymdu sér oft í vörninni og leyfðu Argentínumönnum að teygja lopann þar til þeir fundu glufuna. Guðjón Valur nýtti færin sín frábærlega og var ásamt markvörðunum besti maður íslenska liðsins í dag. Hreiðar var sem fyrr segir frábær þegar hann kom inn og Róbert var oft drjúgur á línuni. Arnór skoraði nokkur góð mörk og Aron nýtti sér leikinn til að koma sér í gang eftir meiðsli. Ólafur var betri eftir því sem leið á leikinn en Alexander Petersson fann aldrei almennilega taktinn og á vonandi nóg inni fyrir næstu leiki. Ísland þarf þó að spila betur gegn Túnis enda sterkur andstæðingur. Vörnin leit vel út á köflum í dag en lenti svo í tómum vandræðum inn á milli. Strákarnir þurfa að sýna meiri stöðugleika í varnarleiknum og munu sjálfsagt vinna í því fram að næsta leik, sem verður á þriðjudagsmorgun.
Mest lesið „Ég sakna hennar á hverjum degi“ Handbolti Bakgarðshlaupið í beinni útsendingu Sport „Hún er með hjartagalla en í góðum höndum núna og vonandi fer allt vel“ Íslenski boltinn Uppgjörið: FH - Vestri 3-2 | FH kom til baka og vann fjórða leikinn í röð Íslenski boltinn „Þetta er ekki boðlegt finnst mér“ Körfubolti DeAndre Kane sleppur við bann og spilar í kvöld Körfubolti Andrea á batavegi: „Gott fyrir alla að sjá hana brosandi“ Íslenski boltinn Arsenal menn kláruðu sitt og nú er pressan á Man. City Enski boltinn „Varhugavert er að ætla starfsmanni Stöðvar 2 að hafa brugðið talsvert“ Körfubolti Í beinni: Man. City - Wolves | Meistararnir á miklu skriði Enski boltinn Fleiri fréttir Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Sjá meira