Stór hrefna reyndist hvalreki fyrir einhverja

Stóra hrefnu rak nýverið á fjöru við bæinn Berg við Grundarfjörð, sem vart er í frásögu færandi, nema fyrir það að þetta hefur reynst einhverjum raunverulegur hvalreki.

Skessuhorn greinir frá því að sá eða þeir, sem fyrstir fundu hrefnuna, hefðu skorðið sér væn kjötstykki af henni, væntanlega sér til matar, enda virðist hún hafa verið ný dauð.

Þeir tilkynntu ekki um rekann, eins og á að gera, og svo á yfirdýralæknir að kveða á um heilnæmi kjöts úr hvalreka. Ekki hefur verið leitað umsagnar hans.