Hríseyingar hvattir til að spenna beltin

Hverfisráð Hríseyjar hefur áhyggjur af umferðarmenningunni á staðnum. Var málið sérstaklega rætt á síðasta fundi nefndarinnar. Ákveðið var að senda áskorun til íbúa og gesta um að virða umferðarlög og reglur.

Það var fréttavefurinn Vikublaðið sem upphaflega greindi frá þessu.

„Þegar engin lögreglan er á staðnum, þá freistast menn til að gera vafasama hlut," segir Ingimar Ragnarsson, formaður hverfisráðs Hríseyjar, í samtali við Vísi.

Í bókun um málið er lýst yfir áhyggjum af lausum börnum í bílum, farþegaflutningum á dráttarvélum og öðru. Ingimar segir að slík mál hafi sannarlega komið upp. Einkum sé það ferðafólk og aðrir gestkomandi sem hafa tekið eftir þessu.

„Við viljum bara minna fólk á að sömu reglur gilda hér eins og annars staðar," segir Ingimar. „Þetta eru stuttar vegalengdir hér í Hrísey og hraðinn er ekki mikill."

Þá bendir Ingimar á að mikið hafi verið skorið niður hjá lögreglunni í Dalvík sem sér um löggæslu í Hrísey.

Hlutverk hverfisnefndar Hríseyjar er fyrst og fremst ráðgefandi. Hún sér um málefni eyjunnar gagnvart bæjarstjórn Akureyrar.