Óvissustig gæti varað næstu daga

Stöðug skjálftavirkni hefur verið úti fyrir Norðurlandi í nótt og í dag og virðist ekkert benda til að draga sé úr henni. Óvissustig sem lýst var yfir á svæðinu gæti varað næstu daga.

Ríkislögreglustjóri lýsti í gær yfir óvissustigi almannavarna vegna jarðskjálftahrinurnar úti fyrir Norðurlandi. Það er fyrsta af þremur viðbragðsstigum almannavarna.

Vísindamannaráð almannavarnar kom svo saman til fundar í dag til að fara yfir stöðuna og reyna að meta hugsanlega þróun virkninnar næstu daga. Jarðeðlisfræðingar segja það áhyggjuefni að jarðskjálftavirknin hafi fært sig síðustu daga inn nær Húsavík. Sigurjón Jónsson jarðeðlisfræðingur segir innistæðu fyrir nokkuð stórum skjálfta en ekkert bendir til þess að það fari að draga úr virkni á svæðinu.

„Það voru skjálftar núna í nótt og núna í morgun sem sýna rauninni að virknin haldi áfram. Þannig að við sjáum í rauninni ekki í augnablikinu mikla hjöðnun á þessari virkni. Þannig að það besta sem við getum gert er að reyna að fylgjast vel með hvað er að gerast. Þannig að það eru ekki merki um það ennþá að þetta sé að hjaðna," segir Sigurjón.

Búist er við að óvissustig verði í gildi á svæðinu næstu daga.