Sigrún Stefánsdóttir hætt á RÚV

Sigrún Stefánsdóttir hefur sagt upp starfi sínu sem dagskrárstjóri Ríkisútvarpsins frá og með deginum í dag. Páll Magnússon útvarpsstjóri segir að mikill missir sé af Sigrúnu enda hafi hún staðið sig vel í starfi sínu síðustu tvö ár. Staðan verður auglýst síðar í vikunni.

Sigrún hefur gegnt stöðu dagskrárstjóra bæði útvarps- og sjónvarsmegin en stöðurnar verða báðar auglýstar lausar til umsóknar síðar í vikunni.

Á meðan á þessu ráðningarferli stendur segir Páll að Margrét Marteinsdóttir muni gegna starfinu útvarpsmegin og Bjarni Guðmundsson sjónvarpsmegin.

Aðspurður hvers vegna Sigrún hafi sagt upp segist Páll ekki vilja ræða það. „Ég hef það nú fyrir venju að ræða ekki málefni einstakra starfsmanna þannig ég vil ekki tjá mig um það," segir Páll í samtali við Vísi.