Umfjöllun og viðtöl: Akureyri - HK 31-28 | Akureyri í toppbaráttuna Hjalti Þór Hreinsson í Höllinni á Akureyri skrifar 8. mars 2012 18:30 Akureyri vann sinn fjórða leik í röð í N1 deild karla í handbolta í kvöld þegar liðið vann þriggja marka sigur á HK í Höllinni á Akureyri. HK var fyrir leikinn búið að vinna báða deildarleiki liðanna í vetur. Akureyringar komust upp fyrir HK og upp í þriðja sætið með þessum sigri en norðanmenn eru búnir að vinna sjö af síðustu átta deildarleikjum sínum. Leikurinn var jafn fyrstu mínúturnar en í stöðunni 3-3 skildu leiðir. HK tók frumkvæðið og refsaði Akureyri fyrir öll mistök og skoruðu þrjú mörk í röð úr hraðaupphlaupum. HK komst í 4-8. Akureyri tók loksins við sér um miðbik hálfleiksins og náði að jafna leikinn á um 7 mínútum í 9-9. Aftur tók HK skrefið á undan og komst í 10-13. Staðan í hálfleik 12-14. Miklu munaði um að Sveinbjörn náði sér ekki á strik í marki Akureyrar, hann tók fimm skot á móti ellefu hjá Arnóri Frey kollega hans hinu megin. HK skoraði ein fimm mörk úr hraðaupphlaupum í fyrri hálfleik en það er óvanalegt að Akureyri spili svo slaka vörn. HK gerði vel í að refsa. Fyrir fimm vikum vann HK hér nyrðra eftir svipaðan fyrri hálfleik. Akureyringar ætluðu ekki að láta það sama gerast og jöfnuðu leikinn fljótlega. Jafnt var svo á öllum tölum þar til í stöðunni 21-21. Þá skoraði Akureyri þrjú mörk í röð og það var eins og liðið og áhorfendur fengju vítamínssprautu. Stemningin var öll Akureyrar-megin. Akureyri komst mest þremur mörkum yfir og vann að lokum 31-28. Geir var frábær í liði Akureyrar, hann skoraði átta mörk og dró vagninn á löngum köflum. Flottur leikur hjá honum. Bjarni skoraði níu og var drjúgur líka. Guðlaugur stýrði vörninni vel og Sveinbjörn átti flottan leik. Hjá HK skoraði Bjarki Már 8 mörk en Leó og Tandri fimm. Tandri kom sterkur inni í seinni hálfleik. Arnór varði ágætlega, alls 14 skot, en það dróg af honum undir lokin. Óskynsemi HK varð þeim að falli að mörgu leiti, þeir tóku rangar og illa ígrundaðar ákvarðanir í sókninni í lokin. Á meðan spilaði Akureyri flotta vörn og uppskar hraðaupphlaupin sem leikur liðsins byggist mikið á. Liðið skoraði 10 slík í kvöld en HK 12 sem gefur glögga mynd af hraða leiksins.Atli Hilmarsson: Lærðum af reynslunni "Við vorum slakir í vörn í fyrri hálfleik. Þeir skoruðu og skoruðu án þess að við næðum svo mikið sem að trufla þá. Þeir skora einhver fimm hraðaupphlaupsmörk sem er mjög óvanalegt fyrir okkur að lenda í. Við vorum alltof seinir til baka." "En við spiluðum við þá fyrir nokkrum vikum og það var svipuð staða í hálfleik. Þá lentum við sjö eða átta mörkum undir. Við vorum minnugir þess og tókum bara eitt mark í einu. Við ætluðum að klára þá á tveimur mínútum þá en tókum okkur tíma í þetta núna. Við lærðum af reynslunni." "Við erum á góðu skriði núna en við erum ekkert komnir í úrslitakeppnina ennþá. En við erum á góðu róli og stemningin í hópnum er góð."Heimir: Stoltur af Geir "Ég er afskaplega stoltur af liðinu, sérstaklega Geir Guðmundssyni. Hann steig upp og sýndi pung í seinni hálfleiknum. Þetta er glæsilegt fyrir framhaldið hjá honum," sagði fyrirliðinn. "Ég er líka feyki ánægður með Gulla í vörninni. Hann var tveggja manna maki með mig á einum fæti við hliðina á sér. En liðsheildin var frábær, allir stigu upp og það hefur svolítið vantað. Það voru allir jafn fastir fyrir í vörn og sókn, svona á þetta að vera." "Þetta var kannski kaflaskipt. Oddur er að læra nýja stöðu og er að verða betri og betri. Svo er gaman að sjá Bubba svona klikkaðan í markinu," sagði Heimir og brosti áður en þeir Guðlaugur höltruðu saman og þökkuðu stuðningsmönnum fyrir góðan stuðning í kvöld.Tandri Konráðsson: Maður er aldrei sáttur með dómarana "Við byrjuðum vel en fórum afar illa með færin okkar. Þetta hefði getað endað hvoru megin sem var um miðjan seinni hálfleik en það var ýmislegt sem féll ekki með okkur í lokin." "Meðal annars nokkrir dómar," sagði Tandri en HK-menn kvörtuðu mikið í dómurunum undir lokin. "Maður er aldrei sáttur með dómarana," sagði Tandri og brosti. "Svona er þetta. Við unnum síðast hér en það vantaði skynsemi í okkar leik í lokin. Það er skemmtilegast að spila hérna, allir á móti manni og mikil stemning. Framundan eru fleiri bikarúrslitaleikir bara," sagði Tandri.Kristinn Guðmundsson: Sjálfum okkur verstir "Spilamennskan var góð á löngum köflum. En við slökuðum á í seinni hálfleik og það fóru of mikið af góðum færum í súginn, sérstaklega maður á mann." "Við vorum alltof lengi að keyra til baka og þeir skora mikið af hröðum mörkum. Þeir voru snöggir en við eigum samt að koma í veg fyrir þetta. Sveinbjörn hélt þeim inni í leiknum á löngum köflum en það vantaði ákveðin klókindi og skynsemi í okkar leik." "Við skoruðum eftir gott kerfi en svo líða þrjár sóknir áður en við tökum það kerfi aftur. Við vorum sjálfir okkur verstir. En við verðum bara að laga það sem miður fór og halda áfram, það er blóðug barátta framundan," sagði Kristinn. Olís-deild karla Mest lesið Var ekki rekin úr Ólympíuþorpinu fyrir óviðeigandi hegðun: Ég fór sjálf Sport Bara þrír sem fá að heimsækja Michael Schumacher Formúla 1 Vildi láta reka Heimi í fyrra en eys nú yfir hann lofi Fótbolti Vilja sjá Þórólf hugsa líka um konurnar: „Gæti gert þetta að ríkasta liði landsins“ Íslenski boltinn Aron og Bjarki báðir út úr hóp í úrslitaleiknum Handbolti Í beinni: Portúgal - Spánn | Titillinn í húfi Fótbolti Áhyggjufullir eftir tap gegn „algjöru meðalliði“ Íslands Fótbolti Tók við verðlaunum merktur Aroni sem var veikur heima Handbolti Mbappe í aðalhlutverki þegar Frakkar tóku bronsið Fótbolti Landsliðskonan reddaði málunum fyrir leik á Kópavogsvelli Íslenski boltinn Fleiri fréttir Tók við verðlaunum merktur Aroni sem var veikur heima Aron og Bjarki ungverskir meistarar á kostnað Janusar Aron og Bjarki báðir út úr hóp í úrslitaleiknum Íslendingaliðið kláraði sitt en Füchse Berlin er samt meistari í fyrsta sinn Orri og félagar bikarmeistarar Arnór Atla valinn þjálfari ársins Strákarnir hans Arnórs fara í oddaleik um bronsið KA ræður manninn sem gerði KA/Þór að Íslandsmeisturum Silfrið niðurstaðan fyrir Hannes og strákana hans Óðinn með næstflottasta markið í Evrópudeildinni Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Sjá meira
Akureyri vann sinn fjórða leik í röð í N1 deild karla í handbolta í kvöld þegar liðið vann þriggja marka sigur á HK í Höllinni á Akureyri. HK var fyrir leikinn búið að vinna báða deildarleiki liðanna í vetur. Akureyringar komust upp fyrir HK og upp í þriðja sætið með þessum sigri en norðanmenn eru búnir að vinna sjö af síðustu átta deildarleikjum sínum. Leikurinn var jafn fyrstu mínúturnar en í stöðunni 3-3 skildu leiðir. HK tók frumkvæðið og refsaði Akureyri fyrir öll mistök og skoruðu þrjú mörk í röð úr hraðaupphlaupum. HK komst í 4-8. Akureyri tók loksins við sér um miðbik hálfleiksins og náði að jafna leikinn á um 7 mínútum í 9-9. Aftur tók HK skrefið á undan og komst í 10-13. Staðan í hálfleik 12-14. Miklu munaði um að Sveinbjörn náði sér ekki á strik í marki Akureyrar, hann tók fimm skot á móti ellefu hjá Arnóri Frey kollega hans hinu megin. HK skoraði ein fimm mörk úr hraðaupphlaupum í fyrri hálfleik en það er óvanalegt að Akureyri spili svo slaka vörn. HK gerði vel í að refsa. Fyrir fimm vikum vann HK hér nyrðra eftir svipaðan fyrri hálfleik. Akureyringar ætluðu ekki að láta það sama gerast og jöfnuðu leikinn fljótlega. Jafnt var svo á öllum tölum þar til í stöðunni 21-21. Þá skoraði Akureyri þrjú mörk í röð og það var eins og liðið og áhorfendur fengju vítamínssprautu. Stemningin var öll Akureyrar-megin. Akureyri komst mest þremur mörkum yfir og vann að lokum 31-28. Geir var frábær í liði Akureyrar, hann skoraði átta mörk og dró vagninn á löngum köflum. Flottur leikur hjá honum. Bjarni skoraði níu og var drjúgur líka. Guðlaugur stýrði vörninni vel og Sveinbjörn átti flottan leik. Hjá HK skoraði Bjarki Már 8 mörk en Leó og Tandri fimm. Tandri kom sterkur inni í seinni hálfleik. Arnór varði ágætlega, alls 14 skot, en það dróg af honum undir lokin. Óskynsemi HK varð þeim að falli að mörgu leiti, þeir tóku rangar og illa ígrundaðar ákvarðanir í sókninni í lokin. Á meðan spilaði Akureyri flotta vörn og uppskar hraðaupphlaupin sem leikur liðsins byggist mikið á. Liðið skoraði 10 slík í kvöld en HK 12 sem gefur glögga mynd af hraða leiksins.Atli Hilmarsson: Lærðum af reynslunni "Við vorum slakir í vörn í fyrri hálfleik. Þeir skoruðu og skoruðu án þess að við næðum svo mikið sem að trufla þá. Þeir skora einhver fimm hraðaupphlaupsmörk sem er mjög óvanalegt fyrir okkur að lenda í. Við vorum alltof seinir til baka." "En við spiluðum við þá fyrir nokkrum vikum og það var svipuð staða í hálfleik. Þá lentum við sjö eða átta mörkum undir. Við vorum minnugir þess og tókum bara eitt mark í einu. Við ætluðum að klára þá á tveimur mínútum þá en tókum okkur tíma í þetta núna. Við lærðum af reynslunni." "Við erum á góðu skriði núna en við erum ekkert komnir í úrslitakeppnina ennþá. En við erum á góðu róli og stemningin í hópnum er góð."Heimir: Stoltur af Geir "Ég er afskaplega stoltur af liðinu, sérstaklega Geir Guðmundssyni. Hann steig upp og sýndi pung í seinni hálfleiknum. Þetta er glæsilegt fyrir framhaldið hjá honum," sagði fyrirliðinn. "Ég er líka feyki ánægður með Gulla í vörninni. Hann var tveggja manna maki með mig á einum fæti við hliðina á sér. En liðsheildin var frábær, allir stigu upp og það hefur svolítið vantað. Það voru allir jafn fastir fyrir í vörn og sókn, svona á þetta að vera." "Þetta var kannski kaflaskipt. Oddur er að læra nýja stöðu og er að verða betri og betri. Svo er gaman að sjá Bubba svona klikkaðan í markinu," sagði Heimir og brosti áður en þeir Guðlaugur höltruðu saman og þökkuðu stuðningsmönnum fyrir góðan stuðning í kvöld.Tandri Konráðsson: Maður er aldrei sáttur með dómarana "Við byrjuðum vel en fórum afar illa með færin okkar. Þetta hefði getað endað hvoru megin sem var um miðjan seinni hálfleik en það var ýmislegt sem féll ekki með okkur í lokin." "Meðal annars nokkrir dómar," sagði Tandri en HK-menn kvörtuðu mikið í dómurunum undir lokin. "Maður er aldrei sáttur með dómarana," sagði Tandri og brosti. "Svona er þetta. Við unnum síðast hér en það vantaði skynsemi í okkar leik í lokin. Það er skemmtilegast að spila hérna, allir á móti manni og mikil stemning. Framundan eru fleiri bikarúrslitaleikir bara," sagði Tandri.Kristinn Guðmundsson: Sjálfum okkur verstir "Spilamennskan var góð á löngum köflum. En við slökuðum á í seinni hálfleik og það fóru of mikið af góðum færum í súginn, sérstaklega maður á mann." "Við vorum alltof lengi að keyra til baka og þeir skora mikið af hröðum mörkum. Þeir voru snöggir en við eigum samt að koma í veg fyrir þetta. Sveinbjörn hélt þeim inni í leiknum á löngum köflum en það vantaði ákveðin klókindi og skynsemi í okkar leik." "Við skoruðum eftir gott kerfi en svo líða þrjár sóknir áður en við tökum það kerfi aftur. Við vorum sjálfir okkur verstir. En við verðum bara að laga það sem miður fór og halda áfram, það er blóðug barátta framundan," sagði Kristinn.
Olís-deild karla Mest lesið Var ekki rekin úr Ólympíuþorpinu fyrir óviðeigandi hegðun: Ég fór sjálf Sport Bara þrír sem fá að heimsækja Michael Schumacher Formúla 1 Vildi láta reka Heimi í fyrra en eys nú yfir hann lofi Fótbolti Vilja sjá Þórólf hugsa líka um konurnar: „Gæti gert þetta að ríkasta liði landsins“ Íslenski boltinn Aron og Bjarki báðir út úr hóp í úrslitaleiknum Handbolti Í beinni: Portúgal - Spánn | Titillinn í húfi Fótbolti Áhyggjufullir eftir tap gegn „algjöru meðalliði“ Íslands Fótbolti Tók við verðlaunum merktur Aroni sem var veikur heima Handbolti Mbappe í aðalhlutverki þegar Frakkar tóku bronsið Fótbolti Landsliðskonan reddaði málunum fyrir leik á Kópavogsvelli Íslenski boltinn Fleiri fréttir Tók við verðlaunum merktur Aroni sem var veikur heima Aron og Bjarki ungverskir meistarar á kostnað Janusar Aron og Bjarki báðir út úr hóp í úrslitaleiknum Íslendingaliðið kláraði sitt en Füchse Berlin er samt meistari í fyrsta sinn Orri og félagar bikarmeistarar Arnór Atla valinn þjálfari ársins Strákarnir hans Arnórs fara í oddaleik um bronsið KA ræður manninn sem gerði KA/Þór að Íslandsmeisturum Silfrið niðurstaðan fyrir Hannes og strákana hans Óðinn með næstflottasta markið í Evrópudeildinni Elín Klara og Reynir Þór valin best Guðjóni Val tókst ekki að hjálpa löndum sínum Dæmdur 10-0 sigur og titillinn í höfn eftir mikið hneyksli Gísli Þorgeir sleppur við aðgerð Dagur Árni fetar í fótspor pabba síns Lýst sem ungum Elvari: Reynir til eins besta liðs Þýskalands Gerir ekki ráð fyrir miklum breytingum á leikmannahópnum Hlaðvarpsstjörnu dreymir um að spila handbolta á Ólympíuleikunum 2028 Viktor Gísli pólskur meistari í kvöld Magdeburg upp í toppsætið en Melsungen missteig sig Janus Daði og félagar tryggðu sér oddaleik um titilinn Spilar með tilfinningum sínum: „Næst kýlir maður með vinstri“ Jóhanna Margrét snýr heim og fer í Hauka Þrír fyrrum dómarar hlutu heiðursmerki Viggó kom Erlangen úr fallsæti Íslendingalið Melsungen heldur í við toppliðin Gísli Þorgeir meiddist enn á ný á öxl Elliði Snær og Teitur Örn höfðu betur gegn Andra Má Stórleikur Janusar og fimm marka forskot ekki nóg í Íslendingaslag um titilinn Hannes og lærisveinar hans töpuðu fyrsta úrslitaleiknum Sjá meira
Vilja sjá Þórólf hugsa líka um konurnar: „Gæti gert þetta að ríkasta liði landsins“ Íslenski boltinn
Vilja sjá Þórólf hugsa líka um konurnar: „Gæti gert þetta að ríkasta liði landsins“ Íslenski boltinn