Áhyggjuefni hve fáir mæta á völlinn Sigurður Elvar Þórólfsson skrifar 11. desember 2012 07:30 Dauf stemning. Hér sjást þeir 141 einstaklingar sem sáu sér fært að mæta á leik reykvísku stórveldanna, fram og vals. þegar leikskýrsla var fyllt út var greinilega ákveðið að gera sinnum tveir því áhorfendur samkvæmt skýrslu voru 282.fréttablaðið/vilhelm Aðeins 141 áhorfendur mættu á leik Fram og Vals í N1-deild karla í handbolta. Forsvarsmenn beggja félaga hafa áhyggjur af gangi mála og þeir vilja grípa til aðgerða. Staðan er mun skárri á Akureyri þar sem að 600-1000 áhorfendur mæta á heimaleiki liðsins. Það tók ekki langan tíma að telja alla hausana sem eru á myndinni hér fyrir ofan – sem tekin var um miðjan fyrri hálfleik í grannslag Fram og Vals í N1-deild karla í handbolta s.l. fimmtudag. Áhorfendur í salnum voru 141 – þar af stór hluti börn og iðkendur úr herbúðum Fram. Forsvarsmenn handknattleiksdeilda Fram og Vals segja að það gangi illa að fá áhorfendur á völlinn og samkeppnin um frítíma fólks sé enn harðari en áður. Akureyringar eru hinsvegar sáttari við sinn hlut en fín mæting er á heimaleiki handboltafélagsins. „Mér finnst þetta bara góð mæting svona miðað við það sem við höfum upplifað á sumum leikjum," sagði Ómar Ómarsson formaður handknattleiksdeildar Vals þegar hann var inntur eftir viðbrögðum á þeirri staðreynd að 141 áhorfandi var mættur á viðureign Fram og Vals. „Við hjá Val höfum haft miklar áhyggjur af þessu og undanfarin tvö tímabil hafa verið sérstaklega slæm. Það hefur ýmislegt verið reynt t.d. að bjóða upp á grillaða hamborgara en það hefur verið á brattann að sækja hjá okkur – líkt og hjá öðrum liðum. Ómar segir að það sé tímabært að félögin í samvinnu við Handknattleikssamband Íslands fari í aðgerðir til þess að fjölga áhorfendum. „Við hjá Val erum hrifnir af þeirri hugmynd að byrja leikina fyrr á kvöldin – þannig að áhorfendur komi beint úr vinnu á leikina. Þetta er t.d. gert í Þýskalandi með góðum árangri en þar er einnig margt annað í boði á leikjum sem við höfum ekki boðið upp á hér. Aðspurður sagði Ómar að það væri ekki efst á óskalistanum að leyfa sölu á léttvíni eða bjór, eins og gert er í Þýskalandi. „Það hefur vissulega verið rætt en ég tel að það sé ekki tímabært að svo stöddu." Aðgöngumiði fyrir fullorðna á leik hjá mfl. hjá Val er 1.000 kr. „Miðaverðið er eitt af því sem við höfum velt fyrir okkur. Það væri kannski betra að fá fyrirtæki til þess að vera styrktaraðila á einstaka leiki og bjóða öllum frítt á völlinn. Það eru ýmsar leiðir færar en við þurfum að gera eitthvað í samvinnu við önnur félög til þess að fá fólk á völlinn. Og það sem svíður mest er hve fáir áhorfendur mæta á kvennaleikina hjá okkur. Þar erum við með flott lið en það dugir ekki til. Það má samt ekki gleyma því að það er ágæt aðsókn hjá nokkrum liðum, Akureyri, ÍR og Afturelding hafa náð fínni stemningu á leikjum sínum," sagði Ómar. „Það er á brattann að sækja," sagði Árni Ólafur Hjartarson formaður Fram. „Við höfum reynt ýmislegt til þess að fá fleiri á völlinn – með því að gefa iðkendum miða á leikina. En ég veit ekki hvað er til ráða. Sumir segja að keppnisfyrirkomulagið sé með þeim hætti að það sé engin spenna í þessu fyrr en í fjögurra liða úrslitum. Samkeppnin um athygli fólks er alltaf fyrir hendi og við þurfum að bregðast við með einhverjum hætti. Kannski er spennan ekki nógu mikil," sagði Árni og leggur áherslu á að tekjur af miðasölu dugi varla fyrir kostnaði við hvern leik. „Það eru engar tekjur af aðgöngumiðasölu – varla fyrir dómarakostnaði. Það eru kannski 150 manns á vellinum og margir með frímiða á völlinn í gegnum HSÍ eða börn undir 16 ára," sagði Árni en það kostar 1.000 kr. fyrir fullorðna á heimaleiki hjá Fram. „Við höfum ekki rætt það hvort sala á léttvíni eða bjór myndi breyta stemningunni fyrir leikjum. Ég efast um það sjálfur. Hjá okkur er hópur sem kallast Framstuðarar sem fá kaffi og veitingar í hálfleik – það er ágætlega sótt en þeir þyrftu bara að vera miklu fleiri, og það þarf að bregðast við þessari þróun með einhverjum aðgerðum," sagði Árni. Akureyringar mæta vel í Höllina Það er ekki á öllum stöðum þar sem að áhorfendur láta sig vanta á áhorfendapallana. Hannes Karlsson, formaður Akureyri handboltafélags, er að mörgu leyti ánægður með mætinguna á heimaleiki félagsins í íþróttahöllinni á Akureyri. „Við erum með sæti fyrir um 1200 manns en við erum að fá þetta 600-1000 áhorfendur á leik. Það fer eftir mótherjanum hverju sinni," sagði Hannes. Það má velta ýmsum möguleikum fyrir sér hvernig hægt er að fjölga áhorfendum og leiktíminn og leikdagar er eitthvað sem alltaf er verið að ræða. Að mínu mati eru fimmtudagskvöldin kl. 19.00 besti tíminn og einstaka leiki mætti færa fram á föstudagskvöld. Það fer líka eftir gengi liða hvernig mæting er – þannig er það alltaf en vissulega má alltaf gera betur," sagði Hannes. Olís-deild karla Mest lesið „Strætó númer 15 stoppar beint fyrir utan KR-völlinn“ Fótbolti Fyrirliði Bandaríkjanna ver gjammandi stuðningsmennina Golf Uppgjörið: Afturelding - KA 3-2 | Heimamenn sluppu með sigurinn Íslenski boltinn Uppgjörið: Vestri - ÍBV 0-5 | Enn syrtir í álinn hjá Vestra Íslenski boltinn Grínisti hættir og biðst afsökunar á að hafa byrjað níðsöngva í garð Rory Golf „Hvernig stendur á því að hann er enn í starfi?“ Enski boltinn Dramatík í uppbótartímanum Enski boltinn Uppgjörið: Stjarnan - Valur 90-89 | Stjarnan náði að halda út og er meistari meistaranna Körfubolti Uppgjörið: Fram - Valur 2-0 | Titildraumar Vals að verða að engu Íslenski boltinn Hroðaleg hnémeiðsli Janusar Daða Handbolti Fleiri fréttir Hroðaleg hnémeiðsli Janusar Daða Tryggðu sér sigurinn með því að skora síðustu fjögur mörkin Rut barnshafandi Haukur hafði betur í Íslendingaslagnum Eins marks sigur Valskvenna í Evrópudeildinni ÍBV með þægilegan sex marka sigur á Þór Sex marka tap í fyrsta Evrópuleik Selfyssinga Dramatískt jafntefli á Ásvöllum KA sótti sigur gegn stigalausu liði HK Stjarnan sneri leiknum og lagði FH „Þetta var bara draumi líkast“ „Frábært að sjá Darra spila handbolta aftur“ „Munurinn á liðunum var einfaldlega markvarslan“ Uppgjörið: Fram - Haukar 27-32 | Haukar sigldu sigrinum í höfn í Úlfarsárdal Flautumark í Breiðholti Ómar Ingi markahæstur í sigri Magdeburgar Kaflaskipt í sigri Valsmanna Glimrandi byrjun Gummersbach heldur áfram Janus markahæstur í frábærum sigri á PSG Ásdís átti stórleik í stórsigri Vals KA/Þór með fullt hús stiga Bjarki skoraði fjögur mörk í mjög kaflaskiptum leik Mættur heim í Hauka eftir erfið ár í Frakklandi Segja leikmenn hafa kvartað undan Guðmundi Spenntur að spila aftur í Vestmannaeyjum Kveðst skilja vel hvers vegna Guðmundur var rekinn Kári Kristján semur við Þór Akureyri Markahæstur í vetur og nálgast ellefu hundruð mörkin í þýsku deildinni Guðmundur rekinn frá Fredericia Stórleikur Íslendinganna dugði ekki til sigurs Sjá meira
Aðeins 141 áhorfendur mættu á leik Fram og Vals í N1-deild karla í handbolta. Forsvarsmenn beggja félaga hafa áhyggjur af gangi mála og þeir vilja grípa til aðgerða. Staðan er mun skárri á Akureyri þar sem að 600-1000 áhorfendur mæta á heimaleiki liðsins. Það tók ekki langan tíma að telja alla hausana sem eru á myndinni hér fyrir ofan – sem tekin var um miðjan fyrri hálfleik í grannslag Fram og Vals í N1-deild karla í handbolta s.l. fimmtudag. Áhorfendur í salnum voru 141 – þar af stór hluti börn og iðkendur úr herbúðum Fram. Forsvarsmenn handknattleiksdeilda Fram og Vals segja að það gangi illa að fá áhorfendur á völlinn og samkeppnin um frítíma fólks sé enn harðari en áður. Akureyringar eru hinsvegar sáttari við sinn hlut en fín mæting er á heimaleiki handboltafélagsins. „Mér finnst þetta bara góð mæting svona miðað við það sem við höfum upplifað á sumum leikjum," sagði Ómar Ómarsson formaður handknattleiksdeildar Vals þegar hann var inntur eftir viðbrögðum á þeirri staðreynd að 141 áhorfandi var mættur á viðureign Fram og Vals. „Við hjá Val höfum haft miklar áhyggjur af þessu og undanfarin tvö tímabil hafa verið sérstaklega slæm. Það hefur ýmislegt verið reynt t.d. að bjóða upp á grillaða hamborgara en það hefur verið á brattann að sækja hjá okkur – líkt og hjá öðrum liðum. Ómar segir að það sé tímabært að félögin í samvinnu við Handknattleikssamband Íslands fari í aðgerðir til þess að fjölga áhorfendum. „Við hjá Val erum hrifnir af þeirri hugmynd að byrja leikina fyrr á kvöldin – þannig að áhorfendur komi beint úr vinnu á leikina. Þetta er t.d. gert í Þýskalandi með góðum árangri en þar er einnig margt annað í boði á leikjum sem við höfum ekki boðið upp á hér. Aðspurður sagði Ómar að það væri ekki efst á óskalistanum að leyfa sölu á léttvíni eða bjór, eins og gert er í Þýskalandi. „Það hefur vissulega verið rætt en ég tel að það sé ekki tímabært að svo stöddu." Aðgöngumiði fyrir fullorðna á leik hjá mfl. hjá Val er 1.000 kr. „Miðaverðið er eitt af því sem við höfum velt fyrir okkur. Það væri kannski betra að fá fyrirtæki til þess að vera styrktaraðila á einstaka leiki og bjóða öllum frítt á völlinn. Það eru ýmsar leiðir færar en við þurfum að gera eitthvað í samvinnu við önnur félög til þess að fá fólk á völlinn. Og það sem svíður mest er hve fáir áhorfendur mæta á kvennaleikina hjá okkur. Þar erum við með flott lið en það dugir ekki til. Það má samt ekki gleyma því að það er ágæt aðsókn hjá nokkrum liðum, Akureyri, ÍR og Afturelding hafa náð fínni stemningu á leikjum sínum," sagði Ómar. „Það er á brattann að sækja," sagði Árni Ólafur Hjartarson formaður Fram. „Við höfum reynt ýmislegt til þess að fá fleiri á völlinn – með því að gefa iðkendum miða á leikina. En ég veit ekki hvað er til ráða. Sumir segja að keppnisfyrirkomulagið sé með þeim hætti að það sé engin spenna í þessu fyrr en í fjögurra liða úrslitum. Samkeppnin um athygli fólks er alltaf fyrir hendi og við þurfum að bregðast við með einhverjum hætti. Kannski er spennan ekki nógu mikil," sagði Árni og leggur áherslu á að tekjur af miðasölu dugi varla fyrir kostnaði við hvern leik. „Það eru engar tekjur af aðgöngumiðasölu – varla fyrir dómarakostnaði. Það eru kannski 150 manns á vellinum og margir með frímiða á völlinn í gegnum HSÍ eða börn undir 16 ára," sagði Árni en það kostar 1.000 kr. fyrir fullorðna á heimaleiki hjá Fram. „Við höfum ekki rætt það hvort sala á léttvíni eða bjór myndi breyta stemningunni fyrir leikjum. Ég efast um það sjálfur. Hjá okkur er hópur sem kallast Framstuðarar sem fá kaffi og veitingar í hálfleik – það er ágætlega sótt en þeir þyrftu bara að vera miklu fleiri, og það þarf að bregðast við þessari þróun með einhverjum aðgerðum," sagði Árni. Akureyringar mæta vel í Höllina Það er ekki á öllum stöðum þar sem að áhorfendur láta sig vanta á áhorfendapallana. Hannes Karlsson, formaður Akureyri handboltafélags, er að mörgu leyti ánægður með mætinguna á heimaleiki félagsins í íþróttahöllinni á Akureyri. „Við erum með sæti fyrir um 1200 manns en við erum að fá þetta 600-1000 áhorfendur á leik. Það fer eftir mótherjanum hverju sinni," sagði Hannes. Það má velta ýmsum möguleikum fyrir sér hvernig hægt er að fjölga áhorfendum og leiktíminn og leikdagar er eitthvað sem alltaf er verið að ræða. Að mínu mati eru fimmtudagskvöldin kl. 19.00 besti tíminn og einstaka leiki mætti færa fram á föstudagskvöld. Það fer líka eftir gengi liða hvernig mæting er – þannig er það alltaf en vissulega má alltaf gera betur," sagði Hannes.
Olís-deild karla Mest lesið „Strætó númer 15 stoppar beint fyrir utan KR-völlinn“ Fótbolti Fyrirliði Bandaríkjanna ver gjammandi stuðningsmennina Golf Uppgjörið: Afturelding - KA 3-2 | Heimamenn sluppu með sigurinn Íslenski boltinn Uppgjörið: Vestri - ÍBV 0-5 | Enn syrtir í álinn hjá Vestra Íslenski boltinn Grínisti hættir og biðst afsökunar á að hafa byrjað níðsöngva í garð Rory Golf „Hvernig stendur á því að hann er enn í starfi?“ Enski boltinn Dramatík í uppbótartímanum Enski boltinn Uppgjörið: Stjarnan - Valur 90-89 | Stjarnan náði að halda út og er meistari meistaranna Körfubolti Uppgjörið: Fram - Valur 2-0 | Titildraumar Vals að verða að engu Íslenski boltinn Hroðaleg hnémeiðsli Janusar Daða Handbolti Fleiri fréttir Hroðaleg hnémeiðsli Janusar Daða Tryggðu sér sigurinn með því að skora síðustu fjögur mörkin Rut barnshafandi Haukur hafði betur í Íslendingaslagnum Eins marks sigur Valskvenna í Evrópudeildinni ÍBV með þægilegan sex marka sigur á Þór Sex marka tap í fyrsta Evrópuleik Selfyssinga Dramatískt jafntefli á Ásvöllum KA sótti sigur gegn stigalausu liði HK Stjarnan sneri leiknum og lagði FH „Þetta var bara draumi líkast“ „Frábært að sjá Darra spila handbolta aftur“ „Munurinn á liðunum var einfaldlega markvarslan“ Uppgjörið: Fram - Haukar 27-32 | Haukar sigldu sigrinum í höfn í Úlfarsárdal Flautumark í Breiðholti Ómar Ingi markahæstur í sigri Magdeburgar Kaflaskipt í sigri Valsmanna Glimrandi byrjun Gummersbach heldur áfram Janus markahæstur í frábærum sigri á PSG Ásdís átti stórleik í stórsigri Vals KA/Þór með fullt hús stiga Bjarki skoraði fjögur mörk í mjög kaflaskiptum leik Mættur heim í Hauka eftir erfið ár í Frakklandi Segja leikmenn hafa kvartað undan Guðmundi Spenntur að spila aftur í Vestmannaeyjum Kveðst skilja vel hvers vegna Guðmundur var rekinn Kári Kristján semur við Þór Akureyri Markahæstur í vetur og nálgast ellefu hundruð mörkin í þýsku deildinni Guðmundur rekinn frá Fredericia Stórleikur Íslendinganna dugði ekki til sigurs Sjá meira