Nítján sagt upp hjá N1

Stjórn N1 hefur ákveðið að nokkrar sérverslanir félagsins með varafluti, aukahluti í bíla og rekstrar vörur verði færðar í dótturfélagið, Bílanaust. Samhliða breytingunum verður 19 manns sagt upp störfum.

Starfsfólk N1, sem hefur unnið í þessum sérverslunum, verður starfsfólk Bílanausts þegar breytingin tekur gildi um áramót.

Í tilkynningu segir að skipulag N1 verði einnig einfaldað og verða meginsvið félagsins tvö. Einstaklingssvið annast og rekur þjónustustöðvar félagsins um land allt og fyrirtækjasvið annast viðskipti við stjórnotendur og fyrirtæki.

Eggert Benedikt Guðmundsson, forstjóri N1, segir í tilkynningu alltaf erfitt að þurfa segja fólki upp en með aðgerðunum er talið að hægt sé að snúa rekstri Bílanausts til betri vegar.