Bjarni með rétt tæp 60 prósent atkvæða

Bjarni Benediktsson, formaður Sjálfstæðisflokksins, er með rétt tæp 60 prósent greiddra atkvæða í prófkjöri flokksins í Suðvesturkjördæmi, eftir að 1198 atkvæði hafa verið greidd.

Bjarni fékk mótframboð í fyrsta sætið, en það var Ragnar Önundarson sem bauð sig fram gegn honum. Þó virðist Ragnar ekki njóta afrakstrar erfiðis síns, enda ekki í sjö efstu sætunum.

Þó ber að hafa skýran fyrirvara á þessum tölum vegna þess að ekki er búið að telja öll atkvæðin, en í síðasta prófkjöri flokksins í Suðvesturkjördæmi árið 2009 greiddu rúmlega fimm þúsund atkvæði í prófkjörinu.