Spáð gríðarlega kröftugum vindhviðum á Kjalarnesi

Það hvessir á landinu í nótt, fyrst suðvestanlands samkvæmt upplýsingum frá Veðurstofu Íslands.

Hríð og skafrenningur á fjallvegum norðvestantil í fyrramálið og skafrenningur norðanlands. Annars er útlit fyrir að hlána muni á láglendi í nótt og fyrramálið. Suðaustan og Austan 18 til 23 metrar á sekúndu.

Gert er ráð fyrir vindhviðum allt að 30 til 40 metrum á sekúndu undir Hafnarfjalli og utanverðu Kjalarnesi frá því um miðja nótt og til hádegis. Hviður undir Eyjafjöllum frá því upp úr miðnætti og fram á miðjan morgunn.