Al Thani málið: Sakar saksóknara um ólögmætar aðgerðir

Gestur Jónsson, lögmaður Sigurðar Einarsson, fyrrverandi stjórnarformanns Kaupþings, segir sérstakan saksóknara hafa vísveitandi lýst ólöglega eftir Sigurði á alþjóðavettvangi, meðal annars á vef Interpol. Skilyrði hafi ekki verið uppfyllt og tölvupóstsamskipti við bresku lögregluna staðfesti þetta. Gestur telur þetta atriði, að hafa staðið að þessu með ólögmætum hætti, og vera nægilega ástæðu til frávísunar málsins.

Málflutningur vegna frávísunarkröfu ákærðu í Al Thani málinu svokallaða hófst í Héraðsdómi Reykjavíkur í morgun. Málið snýst um ákæru á hendur öllum helstu stjórnendum Kaupþings, þeim Hreiðari Má Sigurðssyni, Sigurði Einarssyni og Magnúsi Guðmundssyni, auk Ólafi Ólafssyni einum stærsta eiganda hins fallna banka. Mennirnir eru ákærðir fyrir markaðsmisnotkun og umboðssvik í tengslum við kaup al thani á fimm prósenta hlut í Kaupþingi, í september árið 2008.

Björn Þorvaldsson saksóknari hjá sérstökum saksóknara flytur mál sitt á eftir