Rafmagn óstöðugt á Vík í Mýrdal og Kirkjubæjarklaustri

Rafmagn hefur verið óstöðugt á Vík í Mýrdal og á Kirkjubæjarklaustri í nótt og í morgun vegna óveðursins sem nú gengur yfir landið. Lárus Einarsson, verkfræðingur hjá Rarik, segir að rafmagnslínum sé að slá saman. „Við erum á leiðinni á staðinn og kveikja á vélum til að koma þessu í lag. Rafmagnið er að detta inn og út vegna þess að línunum er að slá saman í veðrinu."

Lárus hefur verið í rafmagnsbransanum í mörg ár. „Ég hef lent í því verra. Það er búið að setja svo margar línur í jörð, svo það er enginn snjór sem er að hlaðast á þær. Þetta er ekkert svo rosalega mikið miðað við hvernig veðrið er," seigr hann.