Þöggun, andlegt og kynferðislegt ofbeldi meginniðurstaðan

Þöggun, andlegt ofbeldi og kynferðisofbeldi eru meginniðurstöður rannsóknarnefndar kaþólsku kirkjunnar sem rannsökuðu ásakanir gegn kirkjunnar mönnum á meðan þeir ráku Landakotsskóla, sem er vel að merkja ekki rekinn af kirkjunni lengur.

Á blaðmannafundi í Þjóðmenningarhúsinu í morgun voru helstu niðurstöður kynntar. Þar kom fram að rannsakað hefði verið starfsemi skólans og sumarviðdvöl á vegum kirkjunnar frá 1946. Rætt var við 30 einstaklinga sem 8 af þeim máttu sæta kynferðislegu ofbeldi. Ein frásögn til viðbótar gefur til kynna að slíkt hafi einnig átt sér stað varðandi níunda tilfellið.

Nefndin áréttaði að ekki var farið tekin afstaða til ásakananna.

Tveir gerendur eru nafngreindir í skýrslunni en það eru þau séra Georg, sem var skólastjóri Landakostsskóla þegar ofbeldið átti sér stað, og svo Margrét Muller sem starfaði sem kennari.

Fram kemur í skýrslunni að ásakanir hafi einnig komið fram gegn tveimur öðrum prestum og kennara. Annar presturinn er látinn. Kennarinn var kærður fyrir kynferðislega áreitni. Sú rannsókn var að lokum felld niður vegna eindreginnar neitunar kennarans. Hann hætti störfum skömmu eftir það, eða um árið 1996.

Meðal þess sem kemur fram í máli nefndarinnar er að skýr merki um þöggun hafi átt sér stað hjá starfsmönnum kirkjunnar. Þannig hafi reglusystur, prestar og/eða biskupar kaþólsku kirkjunnar hér á landi vanrækt skyldur sínar um rannsókn mála í kjölfar ásakana.

Á blaðamannafundinum kom meðal annars fram að engin þeirra sem er sakaður um að hafa beitt börnin ofbeldi séu að vinna hjá Landakotsskóla. Síðasta tilvikið um kynferðislegt ofbeldi átti sér stað í skólanum árið 1988. Síðast tilvikið um andlegt ofbeldi sé árið 2003. Þess má geta að kirkjan hætti að reka skólann árið 2005.