Óveðrið setti nánast íslandsmet

Mesti vindhraði sem mælst hefur á Íslandi í fárviðriðnu í dag og gær er býsna nálægt því að vera mesta vindhviða sem mælst hefur á Íslandi fyrr og síðar.

Samkvæmt Veðurstofu Íslands náðist mesti vindhraðinn í Hamarsfirði í gærkvöldi þegar ein vindhviða mældist 70 m/s. Það er ákaflega mikill vindhraði og ekki langt frá því að vera íslandsmet því mesta vindhviða sem hefur mælst hérlendis var um 74 m/s.

„Svo það munar þarna fjórum metrum á sekúndu. Sem er samt alveg talsvert. Það þarf talsvert mikla orku til að brúa það bil," segir veðurfræðingur á vakt.

Mesta vindhraði sem hefur mælst á Íslandi mældist á Gagnheiðahnjúki þegar vindhviða náði 74,2 m/s þann 16. janúar árið 1995.