Annar féll af þaki, hinn stökk - báðir fótbrotnuðu

Nokkuð var um slys á fólki í umdæmi lögreglunnar á Selfossi um helgina. Þannig féllu tveir menn af húsþaki og fótbrotnuðu við fallið. Annar var að lagfæra þakplötur þegar hann rann til á ísingu sem hafði myndast á þakinu. Maðurinn hlaut opið beinbrot.

Hinn sem slasaðist stökk einfaldlega af fjögurra metra háu þaki. Lendingin tókst illa og lá maðurinn, sem er ungur að árum, eftir fótbrotinn.

Björgunarsveitarmaður slasaðist svo á föstudaginn í óveðrinu þegar hann var að losa auglýsingaskiti við Verslunarmiðstöðina í Sunnumörk í Hvergerði. Björgunarsveitarmaðurinn var upp á bíl að teygja sig í skilltið þegar snörp vindhviða feykti honum niður af bílþakinu á götuna. Hann var fluttur með sjúkrabifreið á heilsugæsluna á Selfossi þar sem gert var að sárum hans. Hann slasaðist ekki alvarlega.