Hálka víða á Vestfjörðum

Á Suður- og Vesturlandi eru flestir vegir að verða greiðfærir en þó er hálka á Mosfellsheiði en hálkublettir á Biskupstungnabraut, Þingvallavegi, Lyngdalsheiði og Laxárdalsheiði samkvæmt upplýsingum frá Vegagerðinni.

Hálkublettir eru nokkuð víða á Vestfjörðum. Flughált er á Hrafnseyrarheiði og ófært á Dynjandisheiði en þar er verið að hreinsa. Ófært er norðan Bjarnarfjarðar á Ströndum.

Norðvestanlands eru aðalleiðir í Húnavatnssýslum greiðfærar en þó eru hálkublettir í Langadal og á Þverárfjalli. Í

Skagafirði er víðast hvar hálkublettir eða hálka en þæfingsfærð á Skaga.

Á Norðurlandi eystra er hálka eða snjóþekja á velflestum vegum en flughált í Köldukinn og á Hófaskarði.

Hálkublettir og skafrenningur er umhverfis Mývatn.

Á Austurlandi er víðast hvar hálka eða hálkublettir en þæfingsfærð í Jökulsárhlíð. Breiðdalsheiði og Öxi eru ófærar.