Marshall aðstoðar í Bandaríkjunum

„Kjörsóknin er betri en búist var við, allavega í Norður-Karólínu, þar sem ég er. Þetta er að fara mjög vel af stað hérna," segir Róbert Marshall þingmaður sem nú er staddur í Bandaríkjunum við kosningaeftirlit vegna forsetakosninganna þar í landi. Hann var í viðtali við þáttinn Reykjavík síðdegis á Bylgjunni í dag.

Róbert er þar ásamt öðrum þingmönnum frá Evrópu en þeir fara á milli kjörstaða og fara yfir framkvæmdina. „Það er náttúrulega búið að kjósa mikið utankjörfundar - miklu meira en oft áður. Menn halda að það hjálpi Obama frekar að kjörsókn sé mikil."

Og hann segir að mikið sé fjallað um forsetakosningarnar í fjölmiðlum. „Manni finnst þetta svolítið yfirþyrmandi, það er svo áberandi í umfjöllun fjölmiðla að þessar kosningar séu yfirvofandi. Fox er mjög á bandi Romneys en NBC er halt undir Obama. CNN hefur reynt að halda sig á miðjunni - það hefur kostað það að enginn horfir á þá stöð," segir hann.

Og á kjörstöðum eru starfsmenn flokkanna tveggja að reyna telja kjósendum hughvarft. „Þeir þurfa að vera 50 fetum frá kjörstaðnum," segir hann.