Áfram truflanir á heitavatnsrennsli í Borgarfirði

Borgfirðingar verða áfram að sætta sig við truflanir á heitavatnsrennsli og að af og til kólni í húsum þeirra.

Í tilkynningu frá Orkuveitu Reykjavíkur, sem er að endurnýja hluta af aðallæðinni frá Deildartunguhver, segir að núna með morgninum verði rennsli um aðveituæð stöðvað en verði væntanlega hleypt aftur á í kvöld.

Á morgun á svo að safna vatni í geyma og allt veldur þetta því að minni þrýstingur er á kerfinu en ella. Þá segir að það muni ráðast nokkuð af veðri hversu áhrifin verða mikil á atvinnulíf og þjónustu á svæðinu, en þar eru meðal annars Akranes, Borgarbyggð og Hvalfjarðarsveit.

Allar sundlaugar eru meðal annars lokaðar á svæðinu vegna þessa.