Varað við ísingu á vegum suðvestanlands

Vegagerðin varaði í gærkvöldi við því að óvænt glerísing gæti myndast á vegum suðvestanlands.

Þessi viðvörun er ein af mörgum á tæpri viku, þar sem varað hefur verið við ófærð vegna snjóa, snjóflóðahættu í Ólafsfjarðarmúla, grjóthruni í Hvalnesskriðum, sjógangi á Sæbraut og víðar, og sand- og öskufoki sunnan jökla.

Við þetta bætist svo að ökumaður tilkynnti lögreglunni á Snæfellsnesi um mikið klakahrun úr giljum niður á þjóðveginn í Búlandshöfða, á leiðinni milli Grundarfjarðar og Ólafsvíkur.