Flugfarþegar óferðafærir vegna ofurölvunnar

Ölvaður maður, sem ætlaði til Kaupmannahafnar, tók að láta illum látum á flughóteli í Keflavik um helgina og var hringt á lögreglu.

Þegar hún kom á vettvang hafði Bakkus tekið ómakið af lögreglunni við að róa manninn, því hann lá í áfengisdái á gangi í hótelinu.

Lögregla þurfti hinsvegar liðsauka til að ráða við annann sem var svo ölvaður í Leifsstöð að hann þótti ekki ferðafær. Hann brást hinn versti við afskiptum lögreglu og þurfti að vista hann í fangageymslu ásamt félaga hans, sem var ekki heldur ferðafær vegna ölvunar.