Það verður prófkjör í Norðausturkjördæmi

Ákveðið hefur verið að prófkjör verði haldið um val frambjóðenda Sjálfstæðisflokksins í Norðausturkjördæmi fyrir alþingiskosningarnar á næsta ári, en það mun þá fara fram þann 26. janúar. Framboðsfrestur rennur út 7. desember. Þetta kemur fram á Vikudegi.is.

Frambjóðendur þurfa að skila inn meðmælum 20 flokkbundinna einstaklinga í kjördæminu. Enginn flokksmaður getur staðið að fleiri meðmælum við framboð en sex. Þingmennirnir Kristján Þór Júlíusson og Tryggvi Þór Herbertsson sækjast báðir eftir fyrsta sæti framboðslistans og má því búast við töluverðum átökum í prófkjörinu.