Jarðskjálftahrina í Vatnajökli

Töluverð skjálftavirkni hefur verið í Vatnajökli í gær og í dag. Samkvæmt upplýsingum frá Benedikt Gunnari Ófeigssyni, jarðeðlisfræðingi á Veðurstofu Íslands, mældist stærsti skjálfinn 3,3 stig í gærkvöldi.

Skjálftarnir eru í Kverkfjöllum en jarðskjálftar á því svæði eru mjög algengir. Spurður hvort að þessi jarðskjálftahrina sé vísbending um eldgos segir Benedikt að engin merki séu um að þessir skjálftar séu undanfari eldgoss - Kverkfjöll séu vissulega virk en þar hafi ekki gosið í þúsundir ára.

Jarðskjálftarnir tengjast eldstöðvarkerfum í Bárðarbungu og Grímsvötnum en fylgst er grannt með gangi mála.

Þessir skjálftar tengjast ekki skjálftahrinunni fyrir norðan um helgina, að sögn Benedikts.