Hanna Birna með yfirburðastöðu hjá sjálfstæðismönnum í borginni

Hanna Birna Kristjánsdóttir borgarfulltrúi nýtur stuðnings rúmlega 76 prósenta Sjálfstæðismanna til að leiða annað Reykjavíkurkjördæmið í kosningum til Alþingis í vor, samkvæmt könnun, sem MMR gerði fyrir Viðskiptablaðið.

Næstur á eftir kemur Illugi Gunnarsson með tíu prósenta stuðning, en prófkjör verður eftir mánuð. Guðlaugur Þór Þórðarson mælist með 7,6 prósent í leiðtogasæti, en hann sækist ekki eftir fyrsta sæti.

Hlutföllin eru svipuð þegar fólk er spurt, óháð stjórnmálaflokkum, nema hvað í þeim hópi vilja 26 prósent hvorki Hönnu Birnu né Illuga.