Seldi meydóminn á 100 milljónir

Brasilísk stúlka hefur selt meydóm sinn á netuppboði fyrir tæpar 100 milljónir íslenskra króna. Alls bárust 15 boð í hina tuttugu ára gömlu Catarina Migliorini en það var japanskur karlmaður sem stóð uppi sem sigurvegari.

Uppátækið er hluti af heimildarmynd sem ástralskur kvikmyndagerðarmaður hefur unnið að síðustu þrjú ár.

Málið hefur misboðið mörgum, bæði í Brasilíu og Ástralíu.

Aðstandendur heimildarmyndarinnar hafa aftur á móti lýst því yfir að brasilíska stúlkan sé himinlifandi með þau viðbrögð sem auglýsing hennar fékk.

Catarina mun fljúga til Japan á næstu dögum. Samkvæmt kvikmyndagerðarmönnunum verða bólfarirnar ekki myndaðar.