Búast við allt að 3000 manns á rjúpu

Talið er að allt að þrjú þúsund manns gangi til rjúpna um helgina, en rjúpnaveiði hófst í morgun. Aðeins má veiða rjúpu í samtals níu daga í haust.

Þeir deilast á fjórar helgar, þar sem veiða má í tvo daga hverja helgi, en í þrjá daga þessa fyrstu helgi. Enn er víða snjólétt þannig að veiðimennirnir þurfa að leita hærra til fjalla en ella. Stofninn er nú í taktvissri niðursveiflu, sem nær ekki botni fyrr en eftir nokkur ár, og er sölubann á rjúpum. Veiðar eru bannaðar á ákveðnum svæðum og er Reykjanesskaginn stærst þeirra.

Svo eru veiðar bannaðar á friðlöndum og og víða banna bændur eða aðrir jaðreigendur rjúpnaveiðar á löndum sínum, þannig að veiðimenn þurfa að kynna sér það vel áður en haldið er til veiða, til að lenda ekki í óþarfa árekstrum eða deilum.

Þá þurfa þeir veiðikort, en til þess að fá þau, þurfa þeir að fara á námskeið í meðferð skotvopna og fá byssuleyfi.Þokkalega viðrar til rjúpnaveiða víðasthvar á landinu þennan fyrsta veiðidag í ár.