Sofnaði á rauðu ljósi

Nokkur erill var var hjá lögreglunni á höfuðborgarsvæðinu í nótt. Um miðnætti veittu lögreglumenn athygli bifreið á Langholtsvegi. Ökumaður hafði stöðvað á rauðu ljósi en þegar græna ljósið kom fór bifreið hans ekki af stað.

Í ljós kom að hann hafði sofnað við umferðarljósin.  Þegar ökumaðurinn varð lögreglu var ók hann af stað, vildi þá ekki betur til en svo að hann ók á tvær kyrrstæðar bifreiðar. 

Á lögreglustöð kom í ljós að maðurinn var undir áhrifum fíkniefna.