Álfheiður vill 2. sætið í Reykjavík

Álfheiður Ingadóttir, þingmaður VG, ætlar að gefa kost á sér í 2. sæti á lista flokksins í öðru hvoru Reykjavíkvíkurkjördæminu, norður eða suður, í forvalinu sem fer fram í lok nóvember.

Í tilkynningu segist hún hafa öðlast dýrmæta reynslu og þekkingu sem geti nýst vel á næsta kjörtímabili.

Þá hafi vissulega verið erfitt að taka til eftir hrunið, skera niður og þrengja að góðum verkefnum.

En árangurinn sé ótvíræður og mun betri en flestir þorðu að vona - því sé full ástæða til að horfa bjartsýn fram á veginn.