Veðurstofan varar við vonskuveðri

Veðurstofan varar við vonskuveðri sem mun ganga yfir landið frá og með morgundeginum. „Eftir miðjan dag á morgun verður komið norðan vonskuveður um landið norðanvert með vindhraða á bilinu 13-20 m/s. Með þessu verður snjókoma og él og getur færð og skyggni spillst á skömmum tíma. Eins ættu menn sem hafa húsdýr úti við að huga að því að koma skepnum í skjól. Búast við mjög hvössum vindhviðum undir Vatnajökli frá því síðdegis á morgun og fram eftir vikunni," segir í tilkynningunni.

Veðurstofan segist ekki búast við því að veður fari að batna fyrr en líður á næstu helgi og það geti versnað enn meira á fimmtudag og föstudag. Lengst af verður þurrt um landið sunnavert og ætti veðrið ekki að valda vændræðum þar. Gert er ráð fyrir að hiti verði um og undir frostmarki sunnantil á landinu næstu daga, en annars staðar verður frost 0 til 7 stig.