Safna fyrir bændur sem fóru illa út úr fárviðrinu

Söfnun til að styðja við bakið á bændum á þeim svæðum sem urðu fyrir áföllum í fárviðrinu sem gekk yfir Norðurland í september var formlega hleypt af stað í gær. Á sama tíma hófust bændadagar Kaupfélags Skagfirðinga.

Nú þegar hefur Kaupfélag Skagfirðinga gefið fimm milljónir króna og Landsbankinn aðrar fimm.

Sérstök verkefnisstjórn mun hafa umsjón með söfnuninni, en hana skipa m.a. Guðni Ágústsson, fyrrverandi landbúnaðarráðherra, Jón Aðalsteinn Baldvinsson, fyrrum vígslubiskup á Hólum og Þórarinn Ingi Pétursson, formaður Landssamtaka sauðfjárbænda.

Þeir sem vilja leggja bændum lið geta lagt framlög inn á reikning nr. 0161-15-380370, kt. 630885-1409, í Landsbankanum á Sauðárkróki.