Fjölmennt unglingapartý leyst upp

Lögreglan á höfuðborgarsvæðinu stöðvaði gríðarlega fjölmennt unglingapartý seint í gærkvöldi. Samkvæmt upplýsingum lögreglunnar voru um hundrað unglingar í gleðinni þegar lögreglu bar að.

Veislan í austurborg Reykjavíkur og fylgdu því gríðarleg læti. Lögreglumenn vísuðu ungmennunum út, fjórir unglingar voru færðir á lögreglustöðina á Hverfisgötu þar sem haft var samband við foreldra þeirra sem þurftu að gjöra svo vel og sækja börnin sín á lögreglustöðina.

Umferðaróhapp varð svo á gatnamótum Sæbrautar og Snorrabrautar klukkan rúmlega fimm í nótt. Farþegi í annarri bifreiðinni fann fyrir meiðslum og var fluttur á slysadeild til skoðunar. Fjarlægja þurfti bifreiðina með dráttarbíl.

Á svipuðum tíma var ekið á gangandi vegfaranda á Hverfisgötu í miðborg Reykjavíkur. Það er reyndist minniháttar tilvik en maðurinn slasaðist ekki.